• INICIO
  • //
  • EL FESTIVAL
  • //
  • PONENTES 2017
  • //
  • DIEGO FERNÁNDEZ
DIEGO FERNÁNDEZ

intervenciones

LUNES DíA 04

15:00Show cooking al cargu de Diego Fernández y Jhonatan González

Cocina a cuatro manos

ESCENARIO IKEA

DIEGO FERNÁNDEZ

Restorán Regueiro (Tox, Puerto de Vega)

imagen decorativa

DIEGO FERNÁNDEZ ENTAMÓ'L so camín nel mundu gastronómicu nel añu 2004, formándose na escuela d'hostelería de Xixón. N'acabando'l ciclu, entamó a trabayar nel restorán "El Puerto" xunto al cocineru Miguel Arroyo, ún de los meyores cocineros de cocina clásica asturiana. Tamién pasó per otru de los restoranes asturianos más gallardonaos de la cocina asturiana y nacional, "Casa Gerardo", nel que tuvo tres años y onde siguió formándose col maestru Pedro Morán. Años enantes d'entamar en solitariu nel so restorán, trabayó tres años nos restoranes "La Salgar" de Xixón y "Casa Marcial" en Les Arriondes. El pasu per esti últimu foi'l que más lu marcó a nivel profesional, yá que siendo la mano derecha de Nacho Manzano, Casa Marcial consiguió dalgo histórico pa la cocina asturiana al ser gallardonada cola segunda estrella Michelin. N'ochobre de 2011, Diego Fernández entama una etapa nueva abriendo'l so propiu restorán, "Regueiro" asitiáu nel occidente asturianu, na llocalidá de Tox, a un kilómetru de la llocalidá costera de Veiga. Regueiro ye un restorán onde se cocina a "pechu descubiertu". Diego cocina ensin atadures, obsesionáu col gustu y l'equilibriu de los sos platos buscando siempre esi puntu d'emoción en cada cliente que pasa pela so casa. Define la so cocina como "senciella, que non simple". Nun entiende tradición o anovación, pa Diego namás esisten dos tipos de cocina, bona o mala. En 2013, entréguen-y la Caldereta de Don Calixto como premiu al cocineru mozu asturianu. En 2014, foi'l segundu clasificáu como Cocinero Revelación en Madrid Fusión. En 2015, ye premiáu con “La mejor croqueta de jamón ibérico del mundo” en Madrid Fusión y como “mejor restaurante innovador 2015” pol colexu de críticos asturianos. En 2016 recoyó'l premiu de "Tastos del Arcu Atlánticu" como meyor cocineru d'Asturies.

 

Más info

 

www.restauranteregueiro.es

© GSC

Entama

patrocinadores

collaboradores institucionales

provisores oficiales

collaboradores

mg.lab 2017