NOELIA DE PRADO

NOELIA DE PRADO

Restorán La Cuadra de Antón (Xixón)

imagen decorativa

ASTURIANA NACIDA NEL mundu rural, Noelia lleva nos xenes l’amor y el respetu a la naturaleza qu’alimentó cuando neñu con sabores puros de productores dafechu llocales y sostenibles, que naquella dómina yeren simplemente “del pueblu”. Colos sos estudios superiores de pianu, canalizó la necesidá artística hacia la música, pero tres ocho años de xestión alministrativa en restauración, les sos manes escoyeron un sistema de comunicación nuevu. Esta vegada ensin partitura, con espíritu autodidauta, cursos de formación continua na Escuela d’Hostelería de Xixón y los güeyos abiertos pa deprender de los cocineros esperimentaos, Noelia y el Restorán La Cuadra de Antón fueron evolucionando y madurando xuntos. Col tiempu, llegaron los reconocimientos llocales, nacionales ya internacionales. Ente los más destacaos, ensin dulda, la certificación pol Institutu de Turismu Responsable, avaláu por UNESCO y otres organizaciones internacionales y ser la primer sidrería, y el tercer restorán n’España, en calcular la so buelga de carbonu y compensar les sos emisiones. Seis vegaes finalista nel Certame Campeonatu de Pinchos de Xixón. Miembru certificáu de Gijón Calidad Turística, del Club de Empresa de Turismo en Negocios del Principado, de Foro Asturias Sostenible, COPAE y ACEPA. Premiada como la Meyor Empresa Turismu Responsable Xixón 2016. Restorán y cocinera tán venceyaos a la ciudá de Xixón de manera indivisible. La entrada al restorán, en San Bernardo, arteria que llega a la Plaza Mayor, y na retina de los comensales, la Playa de San Llorienzo y la Ilesia de San Pedro nos ventanares del comedor principal. La Cuadra de Antón ye Xixón puro… y Xixón cómese.

 

Más info

 

www.lacuadradeanton.es

© GSC

Entama

patrocinadores

collaboradores institucionales

provisores oficiales

collaboradores

mg.lab 2017