• INICIU
  • //
  • EL FESTIVAL
  • //
  • GIJóNSECOME VUELVE COLA MEYOR UFIERTA GASTRONóMICA Y 72 HORES D’ESPECTáCULU

GijónSeCome vuelve cola meyor ufierta gastronómica y 72 hores d’espectáculu

EL PROGRAMA INTENSIVU INCLÚI SHOWCOOKINGS DE CHEFS ‘ESTRELLA MICHELIN’, PREBES GRATUITES Y TALLERES PA TOLA FAMILIA

GIJÓNSECOME. 15/11/2017

GijónSeCome vuelve cola meyor ufierta gastronómica y 72 hores d’espectáculu

De izquierda a derecha, Jesús Martínez Salvador, Concejal de Turismo, Deportes, Festejos y Juventud del Ayuntamiento de Gijón; Ana Rellán, directora de GijónSeCome; y Jesús Casas Grande, Director General de Desarrollo Rural y Agroalimentación del Principado de Asturias.

TA TOO PREPARAO PA entamar de la II edición de XixónCómese, el festival gastronómicu sostenible y responsable d’Asturies, que se va celebrar los próximos díes 2, 3 y 4 d’avientu nel Recintu Ferial Luis Adaro de Xixón. Depués del éxitu de la I edición, el festival vuelve a la ciudá con una apuesta reforzada pal públicu: una mayor ufierta gastronómica, más espectáculu y un conceutu más global, con espositores de toa España.

L’oxetivu d’esti añu ye afalar l’enfoque popular del festival p’algamar un públicu masivu interesáu na ‘bona mesa’ y l’ociu gastronómicu: los llambiones. Esplícalo asina Ana Rellán, direutora del festival, na presentación de XixónCómese 2017 a la prensa celebrada nel Conceyu de Xixón. “Ampliemos la ufierta de conteníos, n’especial de restauración, con más foodtrucks y prebes gratuites, amás de talleres ensin costu, dende echar cerveza a facer postres”, avanzó.

Na presentación acompañáronla Jesús Casas Grande, Direutor Xeneral de Desarrollu Rural y Agroalimentación del Principáu d’Asturies; y Jesús Martínez Salvador, Conceyal de Turismu, Deportes, Festexos y Mocedá del Conceyu de Xixón.

TRES DÍES, DOS ESCENARIOS, 100% ESPECTÁCULU

Les amueses de cocina en direuto van ser parte central del programa. XixónCómese va contar con dos escenarios (Escenariu Mahou, Escenariu IKEA), per onde van pasar chefs d’un nivel peraltu, con delles ‘Estrelles Michelin’ y una seición especial de showcooking de Cocineros Mahou. Destaca la presencia de cocineros d’Asturies y Galicia, con nomes como Marcos Morán, José Antonio Campoviejo, Rodrigo Roza, Diego Fernández, Mariano Mier, Luis Veira o Alberto González Prelcic. Tamién l’apuesta pola cantera gastronómica, con concursantes de MasterChef como Estela Antuña o Mateo Sierra. Toos ellos van cocinar con una seleición de productos d’El Corte Inglés, supermercáu oficial de XixónCómese 2017.

D’esta manera, pela Gastrollibrería y la zona de talleres gratuitos Cocina con Miele van desfilar ponentes como’l chef de Canal Cocina Gonzalo D’Ambrosio, la bloguera Elka Mocker, el maestru del chicolate David Pallás o l’espertu en nutrición Juan Llorca.  Ente los espositores, con orixe en toa España, destaca la presencia institucional. Amás d’alimentos d’Alimentos del Paraíso Natural, XixónCómese va contar con puestos de la Diputación Provincial de Cáceres o la Consellería do Mar de la Xunta de Galicia. Tamién va asistir como ponente’l gastrónomu Pep Palau, direutor del prestixosu Fòrum Gastronomic, el mayor eventu gastronómicu nacional.

Na so apuesta pola sostenibilidad, el festival creó un sistema de notificaciones automátiques pal móvil pa caltener al públicu informáu del programa. Amás, dende www.gijonsecome.es y les canales sociales va realizase una cobertura en direuto del eventu.

© GSC

Entama

patrocinadores

collaboradores institucionales

provisores oficiales

collaboradores

mg.lab 2017