• INICIU
  • //
  • EL FESTIVAL
  • //
  • SUSI DíAZ: “LO MáS GUAPO DE LA GASTRONOMíA ESPAñOLA YE QUE NUN PARA DE CRECER”

Susi Díaz: “Lo más guapo de la gastronomía española ye que nun para de crecer”

'CITA A CIEGAS' CON SUSI DÍAZ (LA FINCA)

GIJÓNSECOME. 26/09/2017

Susi Díaz: “Lo más guapo de la gastronomía española ye que nun para de crecer”

LA SO PARTICIPACIÓN COMO xuráu nel programa Top Chef disparó la so visibilidá, pero Susi Díaz (Elx, 1956) lleva na gastronomía dende va más de tres décades. Foi en 1984 cuando fundó cola so pareya’l restorán La Finca. Buscaben un proyeutu de vida, y atopáronlu. Dende entós, l’establecimientu onde la chef desarrolló’l so talentu creativu pergrande allúgala como una referencia de la cocina mediterránea basando’l so éxitu na defensa de los tastos llimpios y la pureza de productos de tradición llocal, como’l pescáu o’l mariscu. De formación autodidauta, la sabiduría Susi Díaz tien la base nes enseñances de les sos güeles. D’elles deprendió, ente otres coses, el secretu de l’alcachofa rellena de gambes, un platu tan popular ente los sos veceros que naide lo pudo esterrar de la carta en toos estos años. El so menú nuevu, Elementos, ta compuestu por 18 creaciones basaes na Tierra, el Fueu, l’Agua y l’Aire. Susi Díaz n’estáu puru.

CUERPU

¿Dalgo que nunca pueda faltar na nevera de la so casa?

Tomates.

Nuna cena con amigos o familia, ¿quién cocina?

Yo, pero too mui cenciello.

¿Cuál ye l’últimu productu que descubrió?

Difícil de dicir… Últimamente toi trabayando con munchos elementos d’América del Sur.

¿Cuida que la sociedá sabe comer bien, nel sentíu d’una manera saludable?

Cuido qu’hai munchu camín por facer.

¿Cómo definiría ustá la gastronomía asturiana?

De productu, intensa y, sobremanera, sabrosa.

ALMA

¿Cuál ye’l meyor conseyu gastronómicu que-y dieron na vida?

Que seya fiel a los mios principios.

¿Qué rasgos de la so personalidá tán más presentes na so cocina?

La mio cocina ye delicada y llimpia, con tastos mui frescos y cuido que la mio personalidá tien parte de culpa, ḥeḥe.

¿Escontra ónde empobina la gastronomía contemporánea?

Lo más guapo de la gastronomía española ye que nun para de crecer, pero’l siguiente capítulu nun ta escritu. Va dir onde nós queramos.

¿Con qué personalidá/celebridá del mundu-y gustaría compartir una comida?

Con Gérard Depardieu.

¿Cuáles son les circunstancies más estrañes en que tien cocinao?

Diría que cuando taba embarazada de mio fía Irene. Taba preparando una tarta pal mio cumpleaños y mio hermanu dixo “tu nun comes la tarta”. Efeutivamente’l día del mio cumpleaños pasélu nel hospital dando a lluz a mio fía. Cuido que ye mui guapo que les dos naciéremos el mesmu día, anque nun me comí la tarta, ḥeḥe.

MENTE

¿A ustá conquístasela pel estómagu?

Ente otres coses.

¿Cuál ye la so primer alcordanza gastronómica?

Los dulces que facía mio güela.

¿En qué detalles se fixa cuando entra nun restorán per primer vez?

¡Escaniolo too!

¿Cómo-y esplicaría ustá “l’alta cocina” a un neñu/a?

Dándo-y un platu pa que lu probara.

¿Un platu que la obsesione y tovía nun pudiera desarrollar?

Ḥaḥaḥa, cuando tendo daqué ente ceya y ceya…

BONUS TRACK

Una zuna personal…

La llimpieza. Tou ha de tar perllimiu, si nun ye asina nun puedo descansar.

Un deséu pal mundu….

Un platu de comida al día pa toles persones.

Un viaxe pendiente…

Xapón.

Una fras célebre o refrán que recuerde davezu…

“Ye namái una gota na mar, pero la mar nun sedría la mesma ensin esa gota”.

Un conseyu pa la mocedá…

Poner ciñu en tolo que faigáis.

ENTRUGA A CIEGUES

La selmana pasada, Marcos Morán dexónos la siguiente entruga pa usté: "¿Cuándo foi la última vez que tuvo fregando nel office del so restorán?"

Va unos díes primero de zarrar una selmana por vacaciones.

Por favor, una entruga pal nuestru/a siguiente convidáu/ada:

¿Si fueres un ingrediente cuál sedríes? ¿Y yo?

NEL PRÓXIMU CAPÍTULU CITA A CIEGUES CON PEP PALAU

© GSC

Entama

patrocinadores

collaboradores institucionales

provisores oficiales

collaboradores

mg.lab 2017